Romannivîs Serdar Ebdella di vê romanê de, û di rêya vegotina çîrokeke evînî û ecêb di navbera miroveke şêst salî û jinek ku bi bîst salan ji wî biçûktir e, sawa ku mirov di rewşa Vîrûsa Koronayê de jiyan kiriye vebêje.

Di dîmenek mîna kabûsekî de, miroveke şêst salî ji xew şiyar dibe û dibîne ku cîhan bi tevahî ji mirovan vala ye, hewl dide ku fêm bike ka çi diqewime, ta ku mirin û tirsa ji mirinê ji her tiştê vê rewşa nenas hêsantir dibe. Paşê guman dike ku Xwedê bersiva duaya wî daye ku mirovan biqelîne, ta ku bi hezkiriya xwe re ya ku bi bîst salan jê biçûktir e cîhanek nû ava bike û di vê atmosferê de çîrokek evînê ecêb dijîn.

Roman cihekî mezin dide dengê jina ku wê weke lehenga çîroka afirandina yekemîn dihesibîne û rola wê ya lehengî di dîroka ku wê cîhana nû li ser ava dibe vedigerîne. Ji ber vê yekê, ev roman ya serketina jinê ya bêkêmasî ye.

Ev roman dîroka mirovahiyê û êşên wê, ji çîroka afirandinê de ta roja îro vedibêje, û  çawa mirovahî li ber deriyê qederê an çarenûsa xwe radiweste, û gelo wê mirovahî li hember vê çarenûsê serî hilde û çarenûsa layiqî xwe biafirîne.

Roman diyar dike ku çawa nexweşiyê mirov vegerand şikeftan, û şikeft li vir sembola destpêka ku mirov jê dest pê kiriye ta ku şaristaniya xwe ava bike, her weha sembola penageha hizrîna ku pêxember û feylesofan destpêkek nû li ser plan bikin. Her weha roman diyar dike ku mirovahî di vê şikeftê de dimîne ta ku bi dawî bibe an şaristaniya xwe ya nû ava bike, şaristaniya ku xwe dispêre vegerandina çîrokên mezin, ji çîroka afirandinê bigire ta çîrokên me yên nûkirî.

Romannivîs berhema xwe bi şêweyekî hunerî û balkêş ava dike, romanan di hundirê romana xwe de vedibêje, di nav her romanê de berhevokek kurteçîrokan dihûne, ta ku ew di çarçoveyek afirîner û cihêreng de bibin yek.

"Kilîla Gulan... Taca Stiriyan" derbarê komek mijar û ramanan radiweste û bi sembolên mezin ve girê dide, an jî sembolên wan ên nediyar û naskirî ji kesên din re zelal dike û di rêwîtiyek xeyalî û dewlemend de diçe ta ku behsa êş û têkoşîna mirovahiyê li ser dirêjahiya dîrok dike.

Helbestvan û siyasetmedarê kurd Heval Kwêstanî derbarê romanê de got: “Ev roman ji me re vedibêje ku her çîrokek rûyekî din ji bilî yê ku me bihîstiye jê re heye. Dema ku nivîskar çîrokên mezin dûbare vedibêje, bi herî hûrbînî û profesyonelî bi ol, îdeolojiyên me û xewnên me yên mezin re daye û stendiye. Jin li vir ne ew zindîwerê ku me di çîrokên  olî û civakî de nas kiriye, lê ew hêmana herî xurt e. Nivîskar xwestiye bi vê romanê hestê serbilindiya jinê yê jinbûnê vegerîne. Her weha xwestiye ku nêrîna mêran li ser wê biguhere."